قالولك آخر اخباري؟

قالولك آخر اخباري؟

والا للحين عني مو سائل

تظن مني تطلع خيانه و ووعودي لك مجرد كلام

مثل ذيج الصوره البشعه اللي رسموها حقي بعينك

قلبك ماتحرك و لا لوجودي اشتاق؟

راجع و الا اقطع منك رجاي ؟

قالولك عن السواد اللي يغطيني من خليتني

قالولك عجزي اكمل بعدك مثل طفله ناطره بشوق ردتك

تبي تشوفك تصرخ باسمك وحيل تحضنك

وايدك تمسكها ولا قوة تقدر تبعدها عنك ثاني

آه عن حالي و اوهامي و ضعفي ماخبروك؟

عن دموعي اللي حلفتلك ماينزلون بس خانوني ببعدك

عاجزه و مو قادره اواجه دنياي

حلمي فيك بدل لا انساه صار يكبر معاي

سامحني وايد اغلط و انادي الناس باسمك

سامحني ضعيفه على قد ما كنت قويه يمك

تذكر لما قلت ديري بالج لا يحسدونا

حبيبي قدروا على اللي بينا يفرقونا

لا اسمك لا وجودك ولا حتى اقدر اوصلك

عجزت تنساني و انا نسيت انساك

عارفه شكثر عشت بخيالك بأحلامك

والحين انا وين موقعي بخريطه ايامك

ياترى للحيني بذاك القصر عالي و انت معاي

و الا بره حدود دنيتك

حاسدينا

ظالمينا

بوسط دروب الجفا غربونا

عن اخباري من بين كلامهم تدورني ؟

عاشق ولهان يدور حبيبته الي ضيعها بيده ؟

بذاك المكان اللي خليتني

اذا تذكر وين جرحتني هني

بوسط قلبي من عقب كلامهم بوسط قلبي طعنتني

اتهمتني عاتبتني جرحتني و مسحت على راسي

حبيبي من الونات بوسط قلبك غفيت

قعدت و انا ادورك و للحين تايهه و لا عارفه لا انا و لا انت وين

ودك تعرف عن اخباري؟